L'istwêre si passe à Djambes, one grosse comune en face di Nameûr, au bwârd di Moûse. Waîtant viès l'pont, qui tape sès longuès djambes d'on costé à l'ôte di l'éwe, li cabarèt da Françwès,"Au Vî Pont".

Veuf dispeûy'saquants-ans, Françwès a èlèvé s'fi Mârcèl di d'padrî s'comptwâr. Ci qui n'a nin èspêtchî l'djon.ne ome di faît dès-ètudes èt d'div'nu injénieûr.

Djondant l'cabarèt, li botike da Fèrnande. On z-î vind dès gazètes èt tot c'qui faut po fumer. Dismètant qu'Fèrnande pwate sès gazètes, c'èst s'fèye Lucîye qui tint l'pot drwèt.

Saquants pas pus lon, gn-a l'bolèdjerîye "Raubosse" ...l'èglîje... èt en face, li magasin da Artûr MITCHAU:

"vélos et accessoires"