Poqwè faut-y

Dji m’a sovint d’mandé poqwè

Dins l’viye on èst si wère di tchôse

Quand èle nos-a tot apwarté

Sins rin dire, vola qu’èle si sôve

Poqwè faut-y côpér lès aîles

A l'pu djoliye dès-irondèles

Poqwè c'qui l'vîye nos faît dès ruzes$

Sins nos présintér sès escûses

Poqwè faut-y, poqwè faut-y

Dji m’èl dimande

Maîs c’est st’insi

Poqwè c’qui dj’a maû quand dji sondje

A tos lès maûs qu’vos atrapéz

Poqwè c’qui dji n’a pon d’èpondje

Po vos sognî po vos r’kinkér

Poqwè c’qui dj’sos bin ad’lé vos

Min.me si dji n’sos nin dins vos brès

Poqwè c’qui c’èst quand vos rioz

Qui dj’sos si bin dins mès solés

Poqwè faut-y, poqwè faut-y

Dji m’èl dimande

Maîs c’est st’insi

Poqwè faut-y d’mèrér to seû

Quant-on èsteûve si bin à deûs

Poqwè c’qui dji chôte si voltîye

Vos-vwès qui dispiyète mès envîye

Poqwè c’qui vos-t’imaûdje mi sû

Min.me quand dji dâme come on piyèrdu

Poqwè-s-qui l’viye qui èst si bèle

Nos dismantche à côps d’manivèle

Poqwè faut-y qu’totes cès kèstions

Si comachenut au fond di m’tiyèse

Poqwè faut-y qu’lès solutions

Eles sont todi en d’foû dès fiyèses

Poqwè faut-y, poqwè faut-y

Dji m’èl dimande

Maîs c’est st’insi