One samwin-ne

On djou po braîre, on djou po bwâre, on djou po tchanter

On djou po rîre, on djou po faît l’fièse èt po danser

Ca fait cînq djous èl c’èst samwin.ne qui s’a finit

I d’meûre deûs djous on lès pas’rè à s’rabrèsî

Li londi au lèvé

Li rèvèye a soné

i m’a la dispièrté

Dji l’aureûve bin touwé

Dj’aveû maû mès-ouchas

Dins m’tièse on sauvèrdja

Tchanteûve alélouya

C’èst londi on y va

Aloûr dj’a braîs

Tôt’ li djournéye

On djou po braîre, on djou po bwâre, on djou po tchanter

On djou po rîre, on djou po faît l’fièse èt po danser

Ca fait cînq djous èl c’èst samwin.ne qui s’a finit

I d’meûre deûs djous on lès pas’rè à s’rabrèsî

Li lend’mwin li maûrdi

Su m’bèsogn’ dj’a sondjî

Et co tot’one samin.ne

Faut bin gangni l’quinzin.ne.

Après qu’dj’a yeû bouté

Dj’a s’tî au cabârèt

Avou saquants soçons

Po faît on p’tit coûyon

Et dj’a bèvu

Ostant qu’dj’a plus

On djou po braîre, on djou po bwâre, on djou po tchanter

On djou po rîre, on djou po faît l’fièse èt po danser

Ca fait cînq djous èl c’èst samwin.ne qui s’a finit

I d’meûre deûs djous on lès pas’rè à s’rabrèsî

Vola d’ja mèrcrèdi

C’èst l’mitant qui finit

Mi moral èst riv’nu

Et dji m’a promètu

D’alér r’trovér Caskète

Au p’tit bar d’èl musète

Lauvaû gn’a d’èl musik

On bwèrle come dès bourik

On va tchantér

A to skètér

On djou po braîre, on djou po bwâre, on djou po tchanter

On djou po rîre, on djou po faît l’fièse èt po danser

Ca fait cînq djous èl c’èst samwin.ne qui s’a finit

I d’meûre deûs djous on lès pas’rè à s’rabrèsî

Et nos v’la djouhèdi

A l’bèsogn’on sourî

Dimwin on-z-a fini

C’èst dèdja ca d’gangnî

On a stî veuye Francis

Avou Paul èt Louis

On va l’fait arèdji

On aurait do plaiji

On l’va baltér

A l’ fait souwér

On djou po braîre, on djou po bwâre, on djou po tchanter

On djou po rîre, on djou po faît l’fièse èt po danser

Ca fait cînq djous èl c’èst samwin.ne qui s’a finit

I d’meûre deûs djous on lès pas’rè à s’rabrèsî

Enfin nos v’la vinr’di

L’ateliyé èst r’nètî

Les ostèyes arrindjî

El’ patron a payî

Dji rapwat’ mi malète

Et dji va fais m’twèlète

Po zâllé kwé m’poupée

Et l’amwin.rné dansér

On va valsér

Jusqu’à miy’né