Li bar ad’lé Jèrome

Au bâr od’lé Jèrome

Au mitant dès soûlés

Divant on vère di rhome

Dji waîte di m’ripwasér

Rimètome on p’tit vère

Dji n’lès-a nin compté

C’èst po l’prochin.ne comére

Qui dji va rèscontrér

Vos qu’ pèstèlèz dins vose comptwâr

Vos d’joz todi qu’èle va riv’nu

Vos savoz qu’ dji n’vos va nin crwâre

I n’faut nin m’printe po on bèrlu

Maîs dji rawaîte dins mès pinséyes

Et dj’y vôreûve bin m’y r’trover

Gn’a pu qu’des trôs dins mes idéyes

Dji va fini pa-z-y stofer

Dins l’bar dilé Jèrome

Dji commince à m’soûlé

Alé ! donéz-m on rhome

Qui dj’roviye d’ès ralér

Dji bwès po ‘nin sondji

A l’cine qui m’a lèyi

Qui m’dijeû dès mint’riyes

Tant qu’dj’èl vèyeû voltiye

Quand mès deûs djambes sèront naûjîyes

Dji m’coutch’rè la dissu l’pavéye

Dji n’chôt’rè pu vos plaîsint’rîye

Maîs m’coeûr sèrè à kwâne è m’lé

Si m’faut vos lèyî one saqwè

Dji vos lérè tote mi tristèse

Et arivé au d’bout d’èl né

Dji m’dispiyètrè sins one princèse

Dins l’bar dilè Jèrome

Mès soçons vont s’soûlér

Avou dès vères di rhome

To m’lèyant mi r’pwasér

Dji saîs bin dins nose monde

Quand li coeûr s’a pindu

On-z-èst to seû au monde

A braîre come on piyèrdu

Dji m’va tchantér po cès djins la

Qui dji veû doblé deûs à deûs

Qui dansenut one drole di java

Divant mès ouyes di comateû

Vos vièroz quand dj’va m’dispiyèrtér

Dins lès brès d’on novia bouneûr

C’èst nin po d’mwain, maîs ça djè l’saîs

C’èst l’cominc’mint d’one ôte mâleûr

Dins l’bar è mon Jèrome

Dji vérè co tchantér

Tinoz l’botèye di rhome

Dins l’fond di vos câsiérs

Quand dji vérè rovî

Li boûneûr d’one djournéye

Sèrè on djou d’gangnî

Min.me s’il a distèlé

S’i n’a duré qu’on djou

Dj’aurè gangni on djou

Tote one djournèye d’amour

Ca vaut bin on dètour